Paraboloides, Hiperboloides, Semiesferas e outros vertebrados: Taller de Arquitecturas Vivas.
Organiza
Sistema Lupo
Material necesario maquetas (9 unidades)
-Ferramentas de medida (regra, escalímetro, escuadra, cartabón…)
-Ferramentas de corte (tesoiras, cúter, alicates…)
-Arame para as unións
-Basees de cartón pluma ou porexpan (9 unidades) con medidas de 50x50cm e espesor de 10mm ou superior
-Medula de 3mm de diámetro (bobina de 1kg)
-Paus tipo espetada de 30cm (100 unidades aprox.)
Material necesario arquitecturas vivas
-Ferramentas de medida (metro).
-Ferramentas de corte (tesoiras, cúter, alicates…)
-Arame ou cordel para as unións
-Paus de vimbia e bambú
Fichas actividade
[pdf]
Equipo
Fermín G. Blanco
Luis Miguel Fernández López
Alba Pérez Fernández
Ignacio Bescansa Bastarreche
Leicia Zapata Medina
Víctor GG Echave
Fotos
Manu Suárez
Equipo Sistema Lupo
https://vimeo.com/401305594
https://issuu.com/sistemalupo/docs/191007_geometr_as_estructuras_verdes
https://issuu.com/sistemalupo/docs/arquitecturas_vivas
Descrición
Mediante esta actividade, mostrámosvos un taller tipo cos que nós traballamos habitualmente para a transformación de espazos á vez que introducimos unidades didácticas. Desde o punto de vista educativo trabállase sobre tres claros obxectivos: a xeometría, a natureza, a través de diferentes materiais como a vimbia e o bambú e, por último, as destrezas manuais e a creatividade.
Desde o obxectivo da xeometría, unha unidade didáctica introdúcenos no taller coa explicación das figuras e en especial coas figuras revolucionadas: elipsoide, paraboloide e semiesfera, coas que se vai a traballar.
Desde a natureza, convídase a traballar con materiais naturais, vimbia e bambú, e tamén con procesos naturais vinculados ao mundo da cestería tanto en clave actual como tradicional.
E en referencia á creatividade, unha vez coñecidas as formas xeométricas comúns, lánzase o reto aos participantes de crear as súas propias formas naturais xa que as xeometrías tamén poden ser libres.
A actividade estrutúrase en tres fases. A primeira delas é a fase teórica onde se mostran diferentes xeometrías, de onde saen estas formas e as súas aplicacións no mundo que nos rodea, onde se observamos, podemos atopar infinidade delas.
A segunda fase consiste na construción de maquetas das diferentes xeometrías: elipsoide, paraboloide e semiesfera. O ideal é que os participantes se dividan en pequenos grupos de traballo e traballen cos modelos reducidos a escala 1/10. Esta actividade fomenta o traballo en equipo e a cooperación, así como a destreza manual.
E por último, a terceira fase céntrase tamén o traballo en grupo, pero esta vez a gran escala, de modo que nos enfrontaremos neste caso á realidade, a escala 1/1. Nesta etapa faremos uso da vimbia e do bambú, de forma que traballamos constantemente en relación coa natureza e as súas técnicas. O obxectivo final desta parte e do taller completo é a construción da nosa aula nunha contorna natural. O ideal é realizar esta actividade no patio escolar, nunha contorna natural, de forma que a nosa estrutura póidase plantar no chan e conseguir que rebrote para chegar ao noso obxectivo final que é conseguir unha ARQUITECTURA VIVA.
