Alguén dixo unha vez: “cando vaias a Roma, fai o que fagan os romanos” *. Pois iso, que nos fomos ata a Vila romana de Veranes, romanizamonos mentalmente e fixemos as cousas como eles facíanas.
Sorprendentemente é un dito inglés: “ When in Rome, do as the Romans do”
Cada día, durante unha semana de agosto, 13 tolos de Roma, a arquitectura e a diversión madrugaban un pouco (no verán!) para pasar a mañá inmersos na construción romana.
Cando tes menos de 9 anos e ves unha imaxe de Vitruvio, irremediablemente éntrache a risa frouxa, así que a xornada non podía empezar mellor. Unha vez superada a falta de venustas do pobre home, centrabámonos no que deixou escrito, e a través da firmitas, a utilitas e a venustas percorremos as cidades, as vilas e mesmo os campamentos militares do imperio romano. Aprendemos como construír edificios que duren polo menos 2000 anos, que solucións e enxeños utilizar para que funcionen ben e cales son as formas e elementos máis adecuados en cada caso.
E daquela ao choio! Faciamos todo o que se nos ocorreu que farían os antigos enxeñeiros romanos: ler planos para facer maquetas a pequena escala ou construcións xigantes, organizar un equipo e repartirse as tarefas valorando as habilidades de cada un, traballar en equipo para levantar grandes obras, idear sistemas de arriostramento contra os ventos, explorar e analizar a Vila romana para aprender “in situ”, deseñar e debuxar os planos dos nosos propios arcos de triunfo para que outros o saiban replicar, se ata reformulamos un río para salvalo con pontes! Con poxa de pezas incluída!
Total, que de arquitectura romana aprendemos moito, pero ademáis pasámolo en grande incluíndo nosas propias ideas e levándoas a cabo entre todos que, en realidade, é máis difícil (e tamén máis divertido).
Por máis veráns en Veranes! SPQR!
_
+ información do proyecto Pilpayu [aquí]
